Mae LLiFT yn grŵp cymunedol cynhwysol sy’n rhoi’r cyfle i unigolion chwarae neu brofi cerddoriaeth ensemble fyrfyfyr yn rhydd yn rheolaidd ym Mangor, Gogledd Cymru ac i archwilio dulliau rhyngddisgyblaethol ehangach o wneud cerddoriaeth arbrofol.
Mae LLiFT yn croesawu chwaraewyr o bob oed a gallu sydd â diddordeb mewn archwilio llwybrau newydd i gerddoriaeth ac yn pwysleisio nad oes angen unrhyw brofiad blaenorol arnoch i ymuno â’n sesiynau.
Rydym hefyd am annog cynulleidfaoedd newydd i alw heibio’n achlysurol a rhannu’r profiad gyda ni hefyd!
Ein hamcanion yw:
• Bod yn grŵp agored sy’n wynebu’r dyfodol ac yn canolbwyntio ar y gymuned.
• Annog chwaraewyr a chynulleidfaoedd newydd i archwilio cerddoriaeth fyrfyfyr.
• Hyrwyddo gigiau dan yr enw LLiFT a darparu llwyfan perfformio yng Ngogledd Cymru i gerddorion arbrofol o’r ardal leol a thu hwnt.
Mae enw da’r celfyddydau avant yng Nghymru yn cynyddu’n raddol flwyddyn ar ôl blwyddyn a theimlwn ei bod yn hanfodol bod Gogledd Orllewin Cymru yn cael ei chynrychioli’n ddigonol, nid yn unig yn lleol, ond yn rhyngwladol yn y maes hwn.
https://llift.carrd.co/
