Erin Hughes
04 July - 26 September 2026Mae’r arddangosfa uchelgeisiol hon yn cyflwyno ei harddull ‘collage’ marmor ffug sy’n cynnwys gweithiau 2D ar raddfa fawr a 'collage' llawr sy’n trochi ac yn amgylchynu’r oriel gyfan.
Be sy' mlaen
Toria Cameron
04 July - 19 September 2026Mae Toria Cameron yn artist gweledol lle mae ei hymarfer yn pontio crefft tecstilau cyfoes a chelf gain. Wedi'i hysbrydoli gan dirwedd Cymru, mae'n archwilio syniadau am le, perthyn a chynefin - y cysylltiad dwfn rhwng pobl a'u hamgylchedd.
Pier y Garth Bangor
14 August 2026Gyda Pier y Garth Bangor yn dathlu 130 o flynyddoedd o fodolaeth, mae'n bleser gwahodd Chris Conway i rannu hanes y pier o'i hadeiladu yn 1926 a'r gwaith o adfer ac adnewyddu dros y blynyddoedd.
Gweithgareddau i Blant
21 July - 29 August 2026Gweithgareddau galw heibio i'r teulu yn ystod y gwyliau haf!
Yn y Cabinet: Ella Louise Jones
15 June - 17 August 2026Y gwrthrych o’r casgliad a ysbrydolodd y gwaith hwn yw’r Jwg Bellarmine, a ddarganfuwyd ger tŵr gorllewinol Eglwys Gadeiriol Bangor ym 1874. Yn ystod yr 17eg ganrif, credwyd bod y jygiau hyn yn cynnig amddiffyniad rhag ysbrydion a dewiniaeth. Roeddent yn aml yn cael eu llenwi â sylweddau fel wrin, hoelion, a gwrthrychau personol eraill cyn cael eu claddu o dan y ddaear fel rhan o ddefod a fwriadwyd i gadw niwed draw. Ar y pryd, roedd y jwg yn cael ei ddeall fel cynrychiolaeth symbolaidd o’r corff dynol, gyda’i du mewn yn cael ei ddychmygu fel stumog. Mewn ymateb, mae Ella wedi creu cyfres o weithiau tecstil wedi’u ffeltio, eu brodio, a’u gwneud drwy dechneg latch hook, ynghyd â ffurfiau wedi’u castio mewn latecs. Mae’r darnau hyn wedi’u hysbrydoli gan siâp a gwead y stumog ac organau mewnol eraill. Mae hi hefyd wedi tynnu ysbrydoliaeth o’r tyfiant naturiol a allai fod wedi amgylchynu’r jwg tra’r oedd wedi’i gladdu o dan y ddaear, gan gyfuno ffurfiau corfforol ac organig i archwilio themâu cuddio, trawsnewid, a dadfeiliad.
Pel-droed Ym Mangor: Dathlu 150 Mlynedd
20 June - 05 September 2026Mae Bangor yn dathlu 150 mlynedd o bel-droed yn y ddinas yn 2026. Mae llawer o hanes wedi’i greu yn yr amser hyn, sy’n cynnwys buddugoliaethau enwog a rhediadau cofiadwy mewn cystadlaethau domestig ac Ewropeaidd. Mae’r arddangosfa hon yn rhoi cyfle i chi weld arteffactau a lluniau a cyfle i ddysgu ychydig o’r hanes drwy ddilyn y straeon gan gynnwys rhai o uchafbwyntiau ac isafbwyntiau’r Clwb. O goliau bythgofiadwy, Cwpanau Cymru, teitlau Cynghrair a nosweithiau bythgofiadwy yn erbyn rhai o’r cewri mwyaf Ewrop, mae'r ddinas hon wedi gweld y cyfan.