🔮Dewch i ddarganfod trysorfa o swynion, defodau, ac ymarferiod hudolus i ddefnyddio o ddydd i ddydd.
Wedi ei hysbrydoli gan hanes hudoliaeth werinol Cymru, ond wedi cael ei sefydlu yn y byd modern. Yn ystod y gweithdy yma dysgwch sut i greu swynion amddiffynnol, sut a pham i adeiladu allor ar gyfer bob math o ddefnyddiau, a hefyd sut i edrych i mewn i’r dyfodol.
Argaeledd Cyfyngedig! Archebwch yma
https://www.eventbrite.co.uk/e/957200551617?aff=oddtdtcreator
Dewch i ymuno â ni ar gyfer cyfres arbennig o sgyrsiau prynhawn dydd Gwener sy’n archwilio thema heddwch, wedi’u hysbrydoli gan etifeddiaeth bwerus Deiseb Heddwch Merched Cymru 1923–24. Trefnir y sgyrsiau gan Gyfeillion Storiel, ac mae pob un yn cynnig safbwynt unigryw ar rôl merched mewn mudiadau heddwch, gweithredu cymdeithasol a hanesion sydd wedi mynd ar goll yn aml.
Ymunwch â ni yn Storiel ar gyfer diwrnod o Heddwch — diwrnod o greadigrwydd a myfyrdod wedi’i ysbrydoli gan Ddeiseb Heddwch y Merched. Bydd y bore yn cynnwys gweithdy gwnïo gyda’r artist Bethan Hughes, lle byddwn yn creu amlenni symbolaidd o heddwch, ac yn y prynhawn cawn ymuno â Linda Rogers a Carrie Pester ar gyfer sesiwn addfwyn a myfyriol i rannu, trafod a pharhau â’r daith tuag at heddwch. Dewch â’ch cinio eich hun, a bydd coffi a chacennau ar gael i’w prynu yn y caffi os hoffech chi rywbeth melys. Cynhelir y digwyddiad yn bennaf yn Saesneg gyda rhywfaint o Gymraeg, ac mae’n rhad ac am ddim i fynychu.
Mae LLiFT yn grŵp cymunedol cynhwysol sy’n rhoi’r cyfle i unigolion chwarae neu brofi cerddoriaeth ensemble fyrfyfyr yn rhydd yn rheolaidd ym Mangor, Gogledd Cymru ac i archwilio dulliau rhyngddisgyblaethol ehangach o wneud cerddoriaeth arbrofol.