Os da chi rhwng 11 a 25 oed, dewch i ddathlu Dydd Gwyl Dewi hefo ni:
Gorymdaith Band Samba a Llusernau Chwefror 25 am Hanner Dydd o Storiel i’r cloc
Gweithdy Addurno Llechi pnawn Chwefror 25 a 26 yn Storiel 1 -4 addas i bob oedran
POPETH AM DDIM fel rhan ymgyrch Llywodraeth Cymru:
GAEAF LLAWN LLES a’r GWYL AMGUEDFEYDD CYMRU
Yn ystod ei oes, cynhyrchodd Brangwyn dros 500 o ysgythriadau, 340 o engrafiadau pren, 160 o lithograffau ac 130 o blatiau llyfrau o ryw fath. Mae'r detholiad bychan o brintiau sydd yn yr arddangosfa hon yn ceisio dangos rhai o gryfderau a sgiliau Brangwyn y gwneuthurwr printiau.
COFIO: Ffotograffiaeth gan Rhodri Jones, gyda chelf ac archifau sy'n dathlu bywyd a gwaith John Ellis Jones (1929-2023), Darlithydd Clasuron a chyn guradur anrhydeddus yr amgueddfa. "Does dim poen mor fawr â'r cof am lawenydd yn y galar presennol" Aeschylus Ffocws yr arddangosfa yw detholiad o ffotograffau gan Rhodri Jones sydd yn llyfr COFION. Maen nhw'n ffotograffau teimladwy, llawer o'i dad John Ellis Jones, yn dilyn marwolaeth ei fam, Renée, ac wrth iddo ddatblygu dementia. Mae'r llyfr hefyd yn cynnwys traethodau byrion gan Angharad Price a Manon Steffan Ros, yn ogystal â cherddi dethol sy'n archwilio colled a galar. Mae'r llyfr yn archwiliad o alar sy'n bersonol ac yn gyffredinol gan ddod ag ymatebion gwahanol ynghyd sy'n troi galar yn sgwrs.
"Yr arddangosfa fechan hon o baentiadau bywyd llonydd yw fy ymateb i rai o’r darnau serameg yng nghasgliad Storiel a Phrifysgol Bangor. Mae'r gwrthrychau tŷ pob dydd hyn a wnaed gan mlynedd neu ddau gan mlynedd yn ôl yn sôn am fywyd – y bobl a greodd batrymau a dyluniadau bywiog y jygiau, mygiau, platiau a phowlenni hyn, a’r bobl oedd yn berchen arnynt ac yn eu defnyddio."