Digwyddiadau 2019 - Storiel (Cymru)

Iau 2 Mai 6.00 – 7.30

ELIZABETH MORGAN

GARDDWR 18^fed GANRIF o FÔN

Agoriad arddangosfa.

I’w gweld am y tro cyntaf ei dyddiaduron garddio, portread a gwisg o frodwaith hardd.

Lansio Llyfr.

Cyflwyno gardd Storiel.

Gwener 17 Mai 2.00 £5

ELIZABETH MORGAN

Ei bywyd ac ymarferion garddio gan

Mary Wrench Jones.

Cawn fynediad i ddyddiaduron difyr Morgan ac i’r cyfraniad gan ferched tuag at greu gerddi’r gorffennol.

Gwener 7 Mehefin 2.00 £5

GWISGOEDD PRIODAS 18^fed GANRIF

EDWINA EHRMANN

Uwch Guradur V&A

Rhoi goleuni ar ffrog frodwaith yn nghasgliad Storiel a dybir i fod yn wisg priodas Elizabeth Morgan o Henblas.

Sadwrn 22 Mehefin 2.00 – 4.30 £10 (yn cynnwys lluniaeth)

CWILTIAU

Sgwrs yng nghwmni’r artistiaid tecstil Dorothy Russell a Liesbeth Williams. Cyfle i weld ‘Twyllo’r Llygad’ cwiltiau a wnaed gan aelodau Urdd Cwiltiau Cyfoes.

Gwener 28 Mehefin 2.00 £5

‘GWALLGOF GYDA GERDDI’

JEAN READER

Hanesydd gerddi.

Trafod garddwyr o ferched yng Nghymru 1750-1860. Sut mae dyddiaduron Elisabeth Morgan yn cyfrannu at lenwi bylchau yn y cyfnod hwn.

Sadwrn 20 Gorffennaf 10.00 – 4.00 £35 (yn cynnwys lluniaeth)

O DDARNAU BACH

LIESBETH WILLIAMS

Artist tecstil

Gweithdy creadigol yn gwneud cardiau unigryw gyda ffabrig a phwyth.

*Addas i unrhyw lefel gallu.

*Dewch a’ch peiriant gwnio gyda chi

Sadwrn 3 Awst 10.00 – 4.00 £35 (yn cynnwys lluniaeth)

ALISON CHAPMAN

Gweithdy clytwaith.

Gwneud bag gan ddefnyddio siapiau syml geometrig.

*Addas i unrhyw lefel gallu.

*Dewch a’ch peiriant gwnio gyda chi

Sadwrn 10 Awst 10.00 – 4.00 £35 (yn cynnwys lluniaeth)

LLYTHRENNAU i GWILTIAU

DOROTHY RUSSELL

Artist tecstil

Yn ystod y gweithdy hwn cewch ddysgu tri dull i ychwanegu llythrennau ar gwiltiau a thecstil.

*Addas i unrhyw lefel gallu.

Sadwrn 14 Medi 10.00 – 4.00 £35 (yn cynnwys lluniaeth)

BRODIO BLODAU

ALMA DREW

Arbennigwr brodwaith

*Addas i unrhyw lefel gallu.

Iau 26 Medi 7.00 £20

BLAS y 1700au

Noswaith o fwydydd cyfnod yng nghwmni’r hanesydd Nia Watkin Powell

COFIO: Ffotograffiaeth gan Rhodri Jones

07 September - 02 November 2024

COFIO: Ffotograffiaeth gan Rhodri Jones, gyda chelf ac archifau sy'n dathlu bywyd a gwaith John Ellis Jones (1929-2023), Darlithydd Clasuron a chyn guradur anrhydeddus yr amgueddfa. "Does dim poen mor fawr â'r cof am lawenydd yn y galar presennol" Aeschylus⁠ Ffocws yr arddangosfa yw detholiad o ffotograffau gan Rhodri Jones sydd yn llyfr COFION. Maen nhw'n ffotograffau teimladwy, llawer o'i dad John Ellis Jones, yn dilyn marwolaeth ei fam, Renée, ac wrth iddo ddatblygu dementia. Mae'r llyfr hefyd yn cynnwys traethodau byrion gan Angharad Price a Manon Steffan Ros, yn ogystal â cherddi dethol sy'n archwilio colled a galar. Mae'r llyfr yn archwiliad o alar sy'n bersonol ac yn gyffredinol gan ddod ag ymatebion gwahanol ynghyd sy'n troi galar yn sgwrs.

Jac Jones

05 October 2024 - 04 January 2025

Mae arddangosfa fawr o waith Jac Jones, artist, darlunydd ac awdur yn Storiel yn addo bod yn ysbrydoledig ac yn syndod. Mae delweddau Jac yn wybyddus i filoedd o deuluoedd ar draws Cymru –y cymeriad Jac y Jwc a greodd ar gyfer cyfres llyfrau Sali Mali neu weithiau celf ar gyfer llyfrau plant clasurol gan T.Llew Jones fel Lleuad yn Olau ac Y Trysorfa i enwi ond rhai. Efallai y bydd eraill yn synnu gweld gweithiau artistig Jac mewn cloriau record a phosteri theatr. Ers dros hanner can mlynedd, mae Jac a anwyd ym Môn, ac yn parhau i greu gwaith artistig o'r safon uchaf; p'un ai ar gyfer llyfrau plant, cloriau record, cynyrchiadau theatr neu raglenni teledu. Mae ei waith yn gyfarwydd ac eto mae hwn yn gyfle prin i weld ei gelfyddyd yn agos mewn oriel. Bydd llyfrau braslunio, byrddau stori, cymeriadau cyfarwydd a gweithiau celf llai adnabyddus. Gyda'i gilydd, maen nhw'n dangos talent Jac - gallai droi ei law at unrhyw arddull oedd ei angen a fyddai'n cynhyrchu'r canlyniad gorau - yn dyst go iawn i'w greadigrwydd, ei sgil a'i ddychymyg. Mae wedi gweithio gydag awduron enwog fel Gwyn Thomas, T. Llew Jones, Daniel Morden, Mary Vaughan Jones, Emily Huws yn ogystal â Manon Steffan Ros (sydd yn rhannu gwobr Tir Na Nog gyda Jac). Mae wedi ennill gwobr Tir Na Nog bedair gwaith. Mae cydweithrediadau diweddar gyda Manon Steffan Ros yn cynnwys Pobl Drws Nesaf a Dafydd a Dad. Yn ogystal â chydweithio ag eraill, mae Jac wedi ysgrifennu a darlunio nifer o lyfrau fel Betsan a'r Bwlis, Symud Sam a Dianc. Mae gwaith Jac wedi'i gynnwys yn y Premi de Catalonia, cyfeiriadur o ddarlunwyr plant y byd. Mae hefyd yn derbyn gwobr Mary Vaughan Jones am ei gyfraniad eithriadol i lyfrau plant yng Nghymru. Mae ei waith yn parhau i ysbrydoli eraill, gan gynnwys cyd-artistiaid. Dywed Huw Aaron; "I mi, Jac Jones yw artistiaid mwyaf blaenllaw Cymru erioed ,.. Mae'n arwr i mi ... mae wedi bod yn fraint cydweithio ag ef a dysgu ganddo". Bydd yr arddangosfa yn agor ddydd Sadwrn 5 Hydref am 12 hanner dydd, ac mae croeso i bawb. Bydd digwyddiad arbennig, ‘Esperarto’, ar ddydd Sadwrn 19 Hydref am 2pm. Bydd y digwyddiad yn gweld Jac Jones a Huw Aaron yn sgwrsio yn Storiel. Mae hwn yn ddigwyddiad rhad ac am ddim ond â thocyn. Mae tocynnau ar gael yma.

Catrin Williams

05 October 2024 - 04 January 2025

Dechreuais arddangos fy ngweithiau celf ar ddiwedd yr 1980au ac ers hynny mae fy ngwaith wedi teithio ar draws y byd. Fe’m magwyd ar fferm fynydd yng Nghefnddwysarn ger Y Bala, ond rwyf wedi byw wrth ymyl y môr ym Mhwllheli ers 1996. Cymreictod - neu yn hytrach y profiad o fyw yn Nghymru - yw un o'r themau cryfaf yn fy ngwaith. Mae'r ddresel, y dillad, wynebau ac arferion y teulu i gyd yn aml wedi gweu drwy'i gilydd ac yn mynnu sylw. Mae atsain o'm tirluniau cynnar o fynyddoedd y Berwyn yn amlwg yn fy ngwaith diweddar er fy mod bellach yn darlunio arfordir a thraethau penrhyn Llŷn, iardiau cychod a thref Pwllheli.