Moroedd Byw
21 October 2023 - 03 February 2024Darganfyddwch ryfeddodau amgylchedd morol gogledd Cymru.
Darganfyddwch ryfeddodau amgylchedd morol gogledd Cymru.
Cwsg, y gweithgarwch hanfodol yna y mae ar bawb ei angen. Mae gan Storiel gasgliad hynod ddifyr o wrthrychau sy'n ymwneud â chwsg, nad ydynt i'w gweld efo'i gilydd fel arfer. Bydd yma ddathliad clyd, lliwgar o gwiltiau clytwaith, carthenni traddodiadol, dillad nos, crud, poteli dŵr poeth a hyd yn oed fodel o wely bocs traddodiadol, a wnaed yn y 19eg ganrif.
Yn dathlu cyswllt diwylliannol mae arddangosfa o waith gan artistiaid o Fangor, Soest a Chwaer Ddinasoedd eraill yn nodi hanner canmlwyddiant gefeillio Dinas Bangor gyda Soest, yr Almaen. Mae gefeillio tref yn galluogi perthynas arbennig rhwng dwy gymuned, gan hybu dealltwriaeth o wahanol ddiwylliannau.
Darluniau cyfoes mewn inc, print a phwyth o Fryniau Casia. Casgliad newydd o waith yn dilyn ymweliadau astudio pellach i’r ardal gan gyfeirio at lythyrau gwreiddiol cenhadon dros y blynyddoedd.
Cyfres o fapiau lliwgar cyfoes yn cofnodi pob ardal o Gymru; yn nodi trefydd, prif lonydd a chadwyni mynyddoedd.
Ugeiniau o gychod bychain porslen yn cyfleu llif y llanw yn Nhraeth Mawr, Porthmadog, cyn i’r Cob yn 1811 ddraenio’r tir. Mae’r gosodiad yma yn cynnig golygfa newydd, gan ddistyllu hanfod ‘Llif’ i ofod yr oriel yn Storiel.
Daw penllanw sgwrs barhaus dros nifer o flynyddoedd â dau artist sy’n ymwneud â lliw at ei gilydd am y tro cyntaf. Mae'r gwaith newydd hwn yn dangos gwahanol safbwyntiau a dulliau’r artistiaid. Mae gwaith Hedley yn haniaeth organig, sy'n ymateb i siâp, patrymau a graen y pren y mae’n paentio arno. Mae rhythm, ailadrodd a natur ddigymell yn nodweddiadol o Smith, gan gyfuno cyflwr rhesymegol ac emosiynol y gwneud.
Rhai o bosteri a gwaith celf chwedlonol a wnaed gan Stuart a Lois Neesham o argraffdy Enfys sy’n rhoi cipolwg ar y sîn gerddorol ym Mangor yn y 1970au.
Arddangosfa ar thema agored yn dangos gwaith celf amryfal gyfrwng gan gynnwys paentio, argraffu, ffotograffiaeth, gwaith tecstil a ceramig. Cyfle i bleidleisio am eich hoff waith celf.