Detholiad o ddodrefn, yn bennaf o Ynysgain Uchaf ger Cricieth, ag eitemau cysylltiol o gasgliad Storiel. Cymynroddwyd eitemau Ynysgain gan Dorothea Pughe-Jones, yr olaf yn ei llinach ers y 1630au i fyw yno. Gwelir cymysgfa o ddodrefn derw traddodiadol sy’n nodweddiadol o nifer o ffermdai'r ardal a rhai darnau o ddylanwad arddull Ewropeaidd. Cyfle i weld eitemau nad ydynt yn arferol ar arddangos.
Gwaith celf gan 18 artist yn cynrychioli peth o’r amrywiol fath o baentiadau yng nghasgliad celf Prifysgol Bangor. O dirluniau ffigurol a phortreadau i fywyd llonydd a mynegiant haniaethol, gwelwch pa waith sydd yn eich ysbrydoli chi. Gwahoddir arlunwyr ifanc hefyd i ymateb. Caiff eu gwaith celf hwy yna ei arddangos gyda’r lluniau gwreiddiol.
Casgliad o ffoto-destunau o gyfnod clo 2021 yn cynnig rhai agweddu sardonig/eironig/dystopaidd ar ddelweddau a gymerwyd o ddiwylliant poblogaidd, teledu a bywyd y ddinas. Gyda bygythiadau tywyll i’n dyfodol a’n bodolaeth fel rhywogaeth, mae’r delweddau hyn yn cynnig symptomau o’n cyfyng-gyngor.
Dathlu llwyddiant Cymru ar gyrraedd Cwpan y Byd. Gwelwch drysorau sy’n ymwneud â thîm pêl-droed Cymru gan gynnwys crys a rhaglenni swyddogol 1958, cap, bathodynnau a phethau cofiadwy eraill. Ar gael i’w prynu mae printiau gan Owain Fôn Williams, amrywiol lyfrau am dîm Cymru, y ‘Wal Goch’ a mwy.
Treiddio i waith diweddar o’r stiwdio a’r ymarfer o archwilio parhaus; o’r gofod mewnol ac allanol a dathliad o’r broses artistig.
Mynegiant creadigol yn archwilio gwrthdaro o amgylch hanes a pherthynas, atgof a phoen, crefydd, a llawenydd. Ewch fewn i ofod yn cynnig amgylchedd adfyfyriol a llonydd, ymysg gwirionedd.
Roedd John Wickens (1864-1936), yn aelod o’r Gymdeithas Ffotograffig Frenhinol ac yn berchen ar ddwy stiwdio sef y Retina Studio a’r Photographic Studio ym Mangor. Tynnodd nifer o luniau oedd yn dangos bywyd pob dydd pobl yr ardal yn ogystal â golygfeydd lleol. Comisiynwyd hefyd i dynnu nifer o luniau swyddogol a phortreadau o ddinasyddion blaenllaw. Detholiad bychan o gasgliad ffotograffau Gwasanaeth Archifau Gwynedd.
Tri ffotograffydd, pob un gyda ffocws unigol a chyswllt dwfn i’r syniad o berthyn, prydferthwch a swyn eu mamwlad. Maent yn cyflwyno cyfres o ddelweddau yn archwilio tirwedd, goleuni a storïau.
Eleni mae’r Rhaglen Celf Gain gymunedol rhan amser unigryw ac arloesol ym Mhrifysgol Bangor (1998-2022) yn dod i ben. Daethpwyd ynghyd a gwaith celf gan 25 o diwtoriaid a fu’n dysgu ar bob lefel gan gynnwys BA ag MA ar gyfer yr arddangosfa ddathlu ffarwel hon.